غلطة البنت ,,,وغلطة الشب,,,؟؟؟؟؟

الموضوع هو كلمه برددها الاهالي دائما .... وتقريبا في كل بيت .. وهي "" غلطه البنت بعشرة ""

لو غلطت البنت .. ولو غلط الولد نفس الغلطه بحكوا .. "" الولد ما بعيبة شي "" .. وبكون عقاب البنت قاسي والولد ما بتعاقب متل البنت ..

فهل التربية الي يعتمدها الاباء صحيحه ؟؟

يعني انا بلاحظ انه من لما يكونوا صغار بزرعوا فيهم انه الولد غير البنت ...بالمعامله ....والقيود .... والحرية.... بكل شيء في تفرقه

مو تعميم هاد ... في ناس ما بفرقوا بين الاولاد والبنات باي شيء بالعكس بعاملوهم متل بعض

بس الاغلب بكون في تفرقه بالمعاملة

طيب ليش يعني هاد ابنهم وهيا مو بنتهم؟؟؟

هو بحمل اسم العيلة وهيا لأ ؟؟؟

.. هل فعلا جميع اخطاء الولد .. مباحه؟؟ .. وانه "" رجل ما بعيبة شي ""

البنت هي التي تحمل اسم العائله وغلطتها بعشرة ..

وهل الابن حللت له الافعال لانه رجل وما بعيبة شي .. ما بحمل اسم العيله متل ما بتحملها اخته ؟؟

* يعني البنت عندها شرف والشب لأ؟؟؟

* يعني البنت ربنا رح يحاسبها والشب لأ ؟؟؟؟

* طيب على اي اساس في فرق بالمعاملة اذا كانوا 2 عند ربنا متل بعض ؟؟؟؟

انا قصدي متل بعض على التصرفات والافعال التي يقوم بها

بليز بدنا تناقشوا الموضوع ونشوف اراء الشباب والصبايا مع احترامي لجميع الاراء ,,,

تحياتي للجميع
مــــودي

ممممممـ

هوي صحيح ربنا عندو الاتنين متل بعض و الغلطة هيي غلطة و يتم الحساب عليها

لكن هوني نحنا بمجتمع محكوم للعادات و التقاليد

و هالعادات مترسخة فيهم أب عن جد

من زمــان تم ترسيخ الفكرة انو البنت ما لازم تنعطى حرية و الشاب بيقلو يعمل كل شي

مع انو كلنا بنعرف انو سيد مين يغلط و يشوه اسم العيلة و يورطها بالمشاكل هوي الشاب مو البنت

في بنات بيشوه السمعة

لكن ما فينا نحكم عالكل
لانو نسبتهن ضئيلة

اما الشباب بالاغلب هني سبب مشاكل العائلة و مع هيكـ ( بيحقلــو بنظر الأهل )

ما بيتم معاقبته بينما البنت لو غلطت بشي يمكن ما تتطلع من البيت

السبب بيرجع بالاول و الاخر على شو الأهل بيربوا أولادهم
لما ولد يكون أبوه بيفرق بينو و بين اختو يعني هالولد لما يجيب أولاد هيقتدي بأبوه

بينما ولد آخر عاش في بيئة ما فيها تفرقة ازن موش هتلاقي تفرقة لما يتزوج و يجيب أولاد

هيوضع حدود

الشي بيرجع على شو نحنا متربيين

على شو الأهل بيعملـوا الولـــد

و العادات و التقاليــد اللي جار عليها الزمن وما منها فايدة

تانكس مودي للموضوع الرووعة

لست اظن اي منا يستطيع ان يكذب و يقول نعم، الله عزوجل ، و الرسول (صلعم) قالوا انا الرجال قوامون على النساء.. و لكن ليس معنى هذا ان الشاب مفلوت له الرباط ليفعل كما يشاء بدون ان يعاقب.
او ان الشاب مسموح له مثلا بان يزني و الفتاة غير مسموح.. ففي الشرع و الذنوب و الاثم و الثواب و العقاب لا يوجد تفريق بين الرجل و المرأة، و لكن التفرقة تتجلى في الواجبات المفروضة لكل منهما، و حقوق كل منهما.

البنت هي التي تحمل اسم العائله وغلطتها بعشرة ..

وبالنسبه للموضوع

بتقدر تحكى معامله الاباء بطريقه التفرقه فيها صح تقريبا 30 بالميه

وطبعا 70 بالميه خربان ديار

وانا بقول انو البنت والشب يتروبوا على نفس الشي بيكون احسن

لانو هادا هيخفف كتير مشاكل ممكن تواجه االشب او البنت بالمستقبل

وما بدي اوضح لانوا اكيد الكل فاهم هادى الجزئية او شو هي المشاكل يلى ممكن تحصل معهم بالمستقبل

مع خالص تحياتي و احترامي